بعد قرار اعتزاله..علاء البابا يفاجيء جمهوره ويعود الى ملاعب كرة القدم!
في خطوة لافتة اعلن لاعب كرة القدم علاء البابا عزوفه عن قرار اعتزال اللعبة الذي سبق واعلن عنه وانضامه من جديد الى فريق الصفاء وعبر البابا عن سعادته بالعودة الى الملاعب بالتالي:
بعد قراري بإعتزال لعبة كرة القدم ، صراحة تفاجأت بنسبة العالم اللي بتحبني و اللي دعمتني و طالبت بأنه ارجع عن هالقرار .. أنا اعتزلت لأن كان الهدف من كل شي اقدر أمن مستقبلي و مستقبل عائلتي و أولادي و ابدأ بوظيفة خاصة بالإضافة لأكدميتي تبقى معي كل العمر و لكن فجأة تواصل معي الكابتن الكبير ( يوسف محمد دودو ) قائد منتخب لبنان السابق و أقنعني ارجع لهيدي اللعبة و بعدها تواصل معي الكابتن يوسف بعلبكي و خبرني بأنه تواصل مع نادي الأنصار و طلب منهم توقيع عقد اعارة سنة معي و نادي الأنصار وافق ..
نادي الصفاء هو بيتي و عشت فيه أجمل أيام حياتي بالفوتبول و الي شرف كثير كبير ارجع البس هيدي الكنزة و دافع عنها و باذن الله حاعطي كل شي عندي انا و كل اللاعبين لنرجّع النادي لمكانه الطبيعي بين الكبار و لنفرّح جمهور نادي الصفاء اللي اله مكانة خاصة و غالية بقلبي و شكر كبير لخيي ربيع صالح اللي اله فضل كثير كبير بانتقالي لنادي الصفاء.
الكل بيعرف ب حبي و عشقي الكبير لنادي الأنصار وجمهوره الرائع و الوفي .. أنا بدي اشكركم جميعاً من كل قلبي على الدعم الكبير و أنا بكبر فيكم و بدعمكم والله .. و لازم تعرفو بأنه النادي ما بيوقف علاعب بل بالعكس أي لاعب بيلبس هيدي الكنزة بيكبر و بصير الو قيمة كبيرة .. و أكيد بتمنى كل التوفيق للنادي هيدي السنة بكل البطولات .. إلى اللقاء..
التعليقات على الموضوع