إعلامية الـ"ال بي سي" مصابة بكورونا: "ما عم وقف بكي... موجوعة كتير".
أعلنت الاعلامية في قناة الـ"ال بي سي" غراسيا أنطون عبر منشور عبر حسابها على "فيسبوك" إصابتها بفيروس "كورونا"، وكتبت ما يلي:
اليوم عم عيش كل شي حكيت عنو.. بس بإيمان كبير انو مرحلة ورح تمرّ!
من باب الحرص على سلامة جميع اللي خالطن بالايام الماضية ..
مبارح عملت فحص ال PCR واليوم تبلغت اني مصابة بفيروس كورونا.. العوارض بدأت بشكل كتير خفيف مسا الاثنين واشتدت مسا الثلاثاء بشكل سريع ومتعب..
اشتريت كل انواع الادوية.. وناطرة الفرج..
كل يوم منقول الاعداد ارتفعت بشكل خيالي وكارثي، ومنروح ومنجي حاطين هالماسك كأنو اكسسوار..
جوابي كان ما بعرف لان ع اساس حاطة الماسك او اقله ما منسلم ولا منبوس ومنقعد بعاد ومنعقّم، والمحلات القليلة اللي عم نروح عليها ملتزمة باجراءات وزارة الصحة، والا مش مفروض تكون فاتحة..
انتو اتوقوا اكتر ما تستخفوا لان اللي ما انصاب ما رح يفهم معنى الاصابة..
صحتي ما بتهمني.. بتهمني صحة اهلي!
رح تتلفنو او تحكوني تسألوني كيفك...
رح قلكن منيحة!"
التعليقات على الموضوع